Тукайлылар ярминкәдә

Үз бакчаларында үстерелгән күпләгән төр яшелчә, җиләк-җимеш белән анда Калмаш һәм Түбән Суыксу мәктәпләре катнашты. Продукцияне бу учреждениеләрнең җитәкчеләре Айрат Габдуллин һәм Венера Сафиуллина алып барды. Аларның әйтүенчә, ярминкәгә алып килгән барлык яшелчә һәм җиләк-җимешләр тиз арада сатылып беткән. «Аерата бәрәңге, суган һәм ташкабакны бик теләп сатып алдылар, барлыгы 1 тоннадан артык продукция сатылды, Казан кунакларына тукайлылар чәй табыны да әзерләгәннәр иде», – дип хәбәр иттеләр оештыручылар. Актив катнашулары өчен тукайлылар ТР Мәгариф һәм фән министрлыгының рәхмәт хатына лаек булдылар.