Тукай районында «Сузуки» 7нче модель «Лада» белән бәрелешкән һәм әйләнеп капланган

Тукай районында «Сузуки» автомобиле 7нче модель «Лада» белән «маңгайга-маңгай» бәрелешкән һәм юл читенә әйләнеп капланган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Авария кичә Чаллы – Водозабор трассасының 10нчы чакрымында килеп чыккан.

Гадәттән тыш хәлләр министрлыгы хезмәткәрләре автомобильләрнең аккумуляторларын өзгән, авария булган урынны тикшергән һәм зыян күрүчеләргә психологик ярдәм күрсәткән.

Авария нәтиҗәсендә чит ил автомобиленең 48 яшьлек пассажиры зыян күргән. Ул хастаханәгә барудан баш тарткан.