Туганына үтерү белән янаган
Узган атна барышында район Эчке эшләр бүлегенең дежур часте 139 хәбәр кабул иткән. Тикшерүләр нәтиҗәсендә 11 җинаять эше кузгатылган.
Круглое Поле поселогында яшәүче 28 яшьлек ир-ат бәхәс вакытында үзенең 39 яшьлек хатынын кыйный һәм аның сәламәтлегенә җитди зыян китерә. Шушы ук поселокта яшәүче 51 яшьлек ир-ат үзенең 54 яшьлек туганының гаражына кереп, аның мотокультиваторын урлап чыга. 25 апрель көнне Яңа поселогында яшәүче 28 яшьлек хатын-кыз үзе белән бергә яшәүче 41 яшьлек апасына үтерү белән яный. Мәләкәстә шундый хәл 1 май көнне теркәлә. Бу очракта 47 яшьлек ир-ат 45 яшьлек хатын-кызны үтерәм дип куркыта. «Түбән Кама» милли паркында урман үсентеләрен законсыз кискән билгесез затларга карата да җинаять эше кузгатыла.
Следите за самым важным и интересным в Telegram-каналеТатмедиа
Нет комментариев