Татарстан районнарында “Кино төне” оештыралар

Бу көнне халыкка популяр Россия фильмнары күрсәтелә. Фильмнарны күрсәтүгә тавыш бирү ТАСС мәгълүмат агентлыгы сайтында барды. Исемлектә барлыгы 26 фильм иде. Тамашачылар үз тавышларын теләсә кайсы фильмга бирә алды.

Халык онлайн-тавыш бирүендә Ким Дружининның “Танки”, Дмитрий Тюринның “Рубеж” һәм Дмитрий Дьяченконың “Последний богатырь” фильмнары лидер булды. Дүртенче урынны Антон Мегердичевның “Движение вверх”ы алды. Сигезенче урында Егор Барановның “Гоголь. Вий” булды. Исемлектә шулай ук Константин Хабенскиның “Собибор” (12нче урын) һәм Алексей Учительнең шактый шау-шу тудырган “Матильда” мелодрамасы (14нче урын) бар.

• “Кино төне” бөтенроссия акциясе 2016 елдан бирле уза. Узган ел акция республиканың тугыз районында узды. Быел фильмнар 31 мәйданда узачак. Казанда киноленталар Аксенов исемендәге скверда һәм Горки-Әмәт урман-паркында күрсәтелә.