Ташкичү авылында үрнәк парларны хөрмәтләделәр

admin, 26 июль 2018 - 09:20

1115

Бер түбә астында озак еллар парлап гомер итүче парлар өчен Ташкичү авылының мәдәният йортында «Гаилә – ул бердәмлек» дип аталган матур бәйрәм узды.

Аларны бәйрәмдә тәбрикләп кенә калмадылар, зирәклеккә, тапкырлыкка, осталыкка, булганлыкка да сынадылар. Бу чарада авылның өч пары – Әлфиназ һәм Айрат Гыймаевлар, Алсу һәм Илгиз Уразаевлар, Гөлшат һәм Мәүҗетдин Сираевлар «баш бутый» торган сорауларга җаваплар бирделәр, «Шалкан» әкиятен дә «сәхнәләштерделәр». Бәйгедә 32 ел бергә кулга-кул тотынып яшәүче сокланырлык матур гаилә Гөлшат һәм Мәүҗетдин Сираевлар җиңүче булды.
Бәйрәм бик тә күңелле үтте, дип яза Ташкичү авылыннан Рәмзия Ямалова.