Штаб өйрәнүләре уза

3-7 сентябрь көннәрендә районда гадәттән тыш хәлләрне кисәтү һәм бетерүнең, янгын куркынычсызлыгының һәм сулыклардагы саклык чараларының торышы тикшереләчәк. Тикшерү барышының беренче көнендә Россия Гадәттән тыш хәлләр министрлыгының Татарстан буенча күзәтчелек эшчәнлеге идарәсеннән һәм ТР Гадәттән тыш хәлләр министрлыгыннан сигез кешедән торган эш төркеме киләчәк. 6 сентябрьдә районның гражданлык оборонасы хезмәткәрләре белән берлектә эвакуацион кабул итүгә әзерлек буенча штаб тренировкасы үткәрелә, дип хәбәр итә районның гражданлык оборонасы өлкәсендә вәкаләтләрне тормышка ашыру бүлегенең әйдәп баручы консультанты Р. Гыйльмуллин.