«Серле каләм» бәйгесе

admin, 23 июнь 2019 - 09:20

1221

Район шагыйре Фәннур Сафинның туган көненә багышлап үткәреләчәк «Җырымда юатырмын» әдәби-музыкаль кичәсе кысаларында «Серле каләм» районкүләм иҗади бәйгесе игълан ителде.

Монда 7 яшьтән 18 яшькә кадәр балалар катнаша ала. Бәйгегә «Бабайларның батырлыгын онытмыйк», «Китап булсын дустыбыз», «Әбием сандыгы», «Һөнәрләр доньясында», «Беренче чәчәкләр гашыйклар кулында» кебек темаларга иҗади эшләрне тәкъдим итәргә мөмкин. Эшләрне балалар авыл китапханәләренә китерә ала. Алар үзәк китапханәләр челтәренә тапшырылачак. Катнашучыларның эшләрен күренекле язучылар бәяләчәк.