Рәмзиядән – бәйрәм композициясе

admin, 18 декабрь 2020 - 12:30

947

Боерган авылының «Кызыл калфак» балалар бакчасында эшләүче Рәмзия Гарипова Яңа ел алдыннан менә шундый үзенчәлекле кышкы композиция ясаган. Аңа кызы Гөлназ һәм ун яшьлек улы Шамил булышкан. Яңа ел композициясе катыргыдан ясалган.

Тиздән утренниклар башлана. Боерганда ул аеруча күңелле булачак. Рәмзия апалары бәйрәм мохите тудырыр өчен бөтен тырышлыгын эшкә җиккән. Боланнар һәм чана балаларның үзләреннән дә зур. Быел кичәләргә ата-аналарга керергә рөхсәт ителми, шуңа күрә бу композиция менә дигән фотозона булачак.