Районга республика мөфтие килде

13 февральдә район хакимиятенең утырышлар залында мөфти Илдус хәзрәт Фаиз белән Чаллы шәһәре һәм районыбызның имам-хатыйплары, ислам дине эшлеклеләре очрашты. Мөфти илебездә һәм республикабызда дини вазгыятьнең торышы, динебезнең халык тормышына үтеп керүе, имам-хатыйпларыбыз эшчәнлеге һәм бурычлары турында сөйләде. очрашуда Татарстан республикасы Президентының Дини оешмалар эшчәнлеге буенча идарә башлыгы М. Гатин, район башлыгы В. Хаҗиев катнаштылар һәм чыгыш ясадылар. Мөфти шәһәр һәм район мөхтәсибләре Әлфәс хәзрәт Гайфуллага һәм Җәүдәт хәзрәт Харраска шаһәдәтнамәләр тапшырды.