Оргыдыда кече авыл бәйрәме үтә

Быел да авыл халкы һәм килгән кунаклар бу матур чарага, гадәттәгечә, умарта бакчасы аланына җыелырга уйлый. Узган еллардагы кебек, быел да милли уеннар, җыр-биюләр, спорт ярышлары уздырылачак, җиңүчеләргә истәлекле бүләкләр тапшырылачак. Бәйрәм көнне Оргыды турында чыгарылган җыр авыл гимны булып яңгыраячак. Оргыды бәйрәмен авылның иң актив кешеләреннән берсе – Мәүлетҗан Хисамиев оештыра. «Бәйрәмгә берәү дә битараф калмас дип уйлыйм. Узган ел кайта алмаганнар да быел, вакытларын табып, умарта бакчасы аланына килсеннәр иде», – дип мөрәҗәгать итә ул авылдашларына. Оргыды бәйрәме 28 июльдә, шимбә көнне, 15.00 сәгатьтә башлана. 0+