Өлкән яшьтәгеләр аны ешрак ашасын!

Күп кенә галимнәр, бигрәк тә өлкәннәр өчен, гранатның файдалы булуын раслый. Алар бу җимешнең инсультка каршы бик яхшы профилактика чарасы булуын һәм, бу авырудан соң, организмны тергезүгә ярдәм итүен исбатлаган.

Гранат  куллану катарактаны, деменцияне һәм баш миенең башка авыруларын профилактикалауга ярдәм итә. Аның файдасы булсын өчен атнага бер тапкыр булса да ашарга кирәк.

Гранат согы эчкән кешеләрдә инсульт очраклары сирәк була. Ул кан басымын төшерә һәм кан әйләнешен яхшырта. Тик ул тешнең эмаленә зыян салырга мөмкин, шуңа күрә аны эчкәннән соң авызны чайкатырга кирәк.

Гранат — куәтле табигый антиоксидант. Шулай ук ашкайнату процессын нормальләштерүгә ярдәм итә, ялкынсынуга каршы яхшы чара да ул.
Ашказаны җәрәхәте һәм гастрит авыруы көчәйгән вакытта гранат ашарга ярамый.
 

Фото: avatars.mds.yandex.net