Көзге бал

Кнәз авылының мәдәният йортында көзге бал оештырылды. Клубның олы залы һәм фойесы да чарага туры китереп бизәлгән иде. Бәйрәмгә килгән һәркем үзен әкияти урманда кебек хис иткәндер, мөгаен. Кызыклы конкурслар да, уеннар да, викториналар да, җыр-биюләр дә күп булды ул көнне. Оештырылган бәйгеләрдә Алена Беспалова, Риф Миннекаев, Илдар белән Ирина Тәхәвиевлар, Гөлия Печникова, Наталья Гарасевалар актив катнаштылар. Көзге балга җыелганнар рәхәтләнеп күңел ачтылар, бәйрәмнән бик канәгать калдылар, дип хәбәр итте Кнәз мәдәният йорты директоры Тамара Тузеева.