Февраль ае республикада көчле җил һәм кар белән тәмамланачак. Татарстан синоптиклары белдерүенчә, алдагы көннәрдә һава температурасы -21 градуска кадәр төшәчәк, ә җилнең тизлеге секундына 18 метрга кадәр җитәргә мөмкин.
24 февральдә һава торышында сизелерлек үзгәрешләр булмый: болытлы, урыны белән аз гына кар явачак. Җилнең тизлеге секундына 15-18 метрга кадәр җитүе көтелә. Һава температурасы төнлә -10..-15˚, көндез -5..-10˚ булачак.
Чәршәмбе, 25 февральдә, һәм пәнҗешәмбе, 26 февральдә, республика түбән атмосфера басымы йогынтысында булачак. Урыны белән аз гына кар яварга мөмкин. Һава температурасы төнлә -9..-15˚, көнчыгыш районнарда урыны белән -20˚ кадәр төшәчәк. Көндез -4..-10˚ градус салкын көтелә.
Татарстан Республикасы Гидрометүзәгенең фаразы буенча, җомга, 27 февральдә, һәм шимбә, 28 февральдә, сизелерлек явым-төшемнәр көтелми. Төнлә һава температурасы -12..-17˚ кадәр, аязган вакытта -21˚ кадәр төшәчәк. Көндез -5..-10˚ градус булачак.
Нет комментариев