Бу юлы ярминкәдә сатып алучылар күбрәк булды

admin, 4 октябрь 2018 - 10:20

1218

Яр Чаллыда авыл хуҗалыгы ярминкәләре дәвам итә. Чираттагысы 29 сентябрьдә узды. Шимбә көнне ярминкәгә район хужалыклары сату өчен барлыгы 1 млн 950 мең сумлык продукция алып килгән. Ярминкә барышын район башлыгы Фаил Камаев та карады.

Ул күрше-тирә районнардан һәм шәһәрләрдән килгән эшмәкәрләр, безнең район шәхси ярдәмчел һәм крестьян-фермер хуҗалыклары вәкилләре белән аралашты, җитештергән продукция, әйтик, бәрәңге, яшелчә, бал, сөт, ит белән сәүдә итү белән танышты. Узган атна белән чагыштырганда бу көнне сатып алучылар күбрәк булды, аеруча суган һәм бәрәңге күп күләмдә сатылды, – дип хәбәр итәләр район авыл хужалыгы һәм азык-төлек идарәсеннән.