Бәтке авылында чисталык көне үткәреләчәк

Акцияне Яр Чаллының «Чистый лист» экологик хәрәкәте, район мәгариф идарәсенең дәрестән тыш эшләр үзәге һәм өстәмә белем бирү педагогы, психолог Алена Мохото җитәкчелегендәге «Татарстанда чиста булачак» – «Экоtime» яшьләр экологик хәрәкәте отряды оештыра.
Чарада балалар һәм өлкәннәр – барысы 100дән артык кеше катнашыр дип көтелә. Акция кысаларында «Чиста уеннар» дип аталган экологик викторина үткәреләчәк, Кама елгасы ярларыннан төрләргә аерып чүп җыю буенча эстафета уздырылачак. Барлык теләүчеләр өчен фотозона эшләячәк. Акциядә Бәтке авыл җирлегендә яшәүчеләр генә түгел, бар район катнаша ала, дип хәбәр итә дәрестән тыш эшләр үзәгенең бүлек мөдире Айназ Галиуллина.