БПЛА һөҗүменнән зыян күргән Круглое Поле кешесенә финанс ярдәме күрсәтеләчәк
Тукай районы депутатлары БПЛА (пилотсыз очу аппараты) һөҗүме нәтиҗәсендә зыян күргән Круглое Поле поселогында яшәүче хатын-кызга акчалата ярдәм бүлеп бирүне расладылар.
Зыян күрүчегә ярдәм итү турындагы бу мөһим карар Тукай муниципаль районы Советының XII утырышында кабул ителде.
Моннан тыш, зыян күргән хатын-кызга һәм аның иренә алар эшләгән Түбән Кама предприятиесе дә ярдәм күрсәткән. Завод җитәкчелеге үз хезмәткәрләрен вакытлыча яшәү өчен уңайлы торак белән тәэмин иткән.
Утырыш барышында депутатлар көн тәртибендәге тагын 8 мәсьәләне карадылар һәм финанс идарәсенең 2026 елның беренче яртыеллыгында җирле бюджетның үтәлеше турындагы хисабын расладылар. Барлык пунктлар буенча да карарлар халык сайлаучылары тарафыннан бертавыштан хупланды.
Район сессиясендә ТР Рәисе ярдәмчесе, «Беренчеләр хәрәкәте» төбәк бүлеге рәисе Тимур Сөләйманов та катнашты.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев