Билгеләнү

Хакимияттә үткән атналык киңәшмәдә район җитәкчелегенә эш урынына килгән ике җитәкчене тәкъдим иттеләр. РФ Юстиция министрлыгының суд приставлары федераль хезмәтенең Менделеевск һәм Тукай районнары буенча суд приставлары бүлеге җитәкчесе, өлкән суд приставы итеп Эльмира Мизхәт кызы Әхмәтҗанова билгеләнде. Ул моңа кадәр суд приставлары федераль хезмәтенең Яр Чаллы шәһәре буенча суд приставлары бүлеге җитәкчесе булып эшләгән.

Моннан тыш Тукай районы кулланучылар җәмгыяте (РайПО) җитәкчесе итеп шәхси эшмәкәр Айрат Мөҗәһит улы Арсланов билгеләнде.