«Биклән»леләр дым каплатуга чыктылар

Район авыл хуҗалыгы һәм азык-төлек идарәсеннән алынган мәгълүматларга караганда, бүгенге көндә кырларны тукландыруга «Кама» агрофирмасы һәм «Тукай азык-төлек корпорациясе»нән кала «Биклән», «Чаллы яшелчәсе», Сәйдәшев исемендәге хуҗалыклар да керешкән. «Биклән» хуҗалыгы исә 300 гектардагы күпьеллык үләннәргә ашлама кертүдән кала, берьюлы дым каплату эшен башлап җибәргән. «Күпьеллык үләннәрне «Туман» агрегаты белән тукландырабыз. Шул ук вакытта 50 гектар җирдә дым каплата башладык», - диде «Биклән» җитештерү кооперативы җитәкчесе Рафаэль Хаматов.