Бүген — Суперай тулган көн

Ай тулган вакытта перигей янында булганда (Җирдән якын арада), бу супер тулы Ай дип атала. Суперай Микроайдан 12-14 процентка зуррак һәм уртача тулы Ай белән чагыштырганда, 7 процентка зуррак", — дип билгелиләр Уфа планетариенда.

Халыкта тулган Айга тутырып карарга ярамый, үзеңә начар энергитика аласың дигән ышану бар.

Айның тулган вакытында иң күп аварияләр, табигый бәла-казалар һәм катаклизмнар була. Шулай ук бу көннәрдә аферистлар да активлаша, алданудан сак булырга кирәк. Астрологлар Ай тулган көнне кайбер эшләргә тотынмаска киңәш итә. Бу көнне ерак юлга чыкмагыз, руль артында сак булыгыз, начар энергияле кешеләрдән ерак торыгыз, бурычка алмагыз һәм акча бирмәгез. Шулай ук ай тулганда чәч кистерергә һәм буярга, өйдәге гөлләргә су сибәргә, төпләрен йомшартырга да киңәш ителми. Бүген күбрәк ял итәргә, тыныч булырга, кичне гаиләгез белән бергә үткәрергә тырышыгыз.