Бар комбайнны – басуга

"Иң мөһиме - терлек азыгы әзерләүне һәм урып-җыюны сыйфатлы итеп үткәрү", - диде кичә ТР Министрлар Кабинетында үткән видеокиңәшмәдә Президент Рөстәм Миңнеханов. ТР авыл хуҗалыгы министры Марат Әхмәтов моның өчен иң беренче чиратта барлык комбайннарның басуда булуы һәм эшнең иртә таңнан кичке караңгыга кадәр оештырылуы шарт дип ассызыклады. 18 июльгә бирелгән мәгълүматлар буенча, республикада 80 мең тонна бөртек суктырылган, малларга 550 мең тонна печән, 1,7 млн тонна сенаж әзерләнгән.