Балалар Ватан геройлары көнендә сугыш ветераны белән очрашты

Ватан геройлары көнендә Кнәз авыл җирлегенең «Солнышко» балалар бакчасына йөрүче балалар, тәрбияче апалары Валентина Долгова, ветераннар советы рәисе Александр Волков, инвалидлар советы рәисе Николай Самойлов, мәдәният йорты хезмәткәрләре белән бергәләп, Бөек Ватан сугышы ветераны Василий Теплов белән очраштылар, аны бәйрәм белән котладылар, истәлекле бүләкләрен тапшырдылар. Мәдәният йорты хезмәткәрләре балаларга Василий Андреевичның сугыштагы батырлыгы хакында сөйләде. Аларны тыңлаганда ветеранның күзләренә яшьләр килде, дип яза мәдәният йорты директоры Тамара Тузеева.