Арту – Тукай районы исәбенә

admin, 4 март 2021 - 09:20

616

Республикада узган ел дуңгыз ите җитештерү 5 процентка арткан. ТР Министрлар Кабинетында видеоконференция режимында үткән чираттагы утырышта ТР авыл хуҗалыгы һәм азык-төлек министры урынбасары Ленар Гарипов шулай диде.

Ул Тукай районының «Феникс» дуңгызчылык комплексында җитештерү күләменең 20 процентка артуы турында әйтте. 2021 елның январь аенда җитештерелгән 8100 тонна (узган елгыга карата 101 процент) дуңгыз итенең 55 проценты, ягъни 4863 тоннасы «Кама-Бекон»га туры килүен дә билгеләп үтте. Министр урынбасары белдергәнчә, республикада җитештерелә торган кош итенең 60 проценты «Челны-Бройлер»га туры килә.