Җиңел атлетика кроссы

Яр Чаллы шәһәренең Мәдәният һәм ял итү паркында җиңел атлетика кроссы буенча район беренчелеге һәм чемпионаты уздырылды. Ул Бөек Җиңү көненә багышлап үтте. Әлеге ярышларда барысы бергә 14 команда катнашты. Нәтиҗәдә беренчелекне егетләр арасыннан Роберт Гыйниятуллин (Новотроицкое), кызлар арасыннан Эльвина Камалова (Теләнче Тамак), ир-егетләр арасыннан Венер Зайцев (Иштирәк) яулап алдылар. Нәтиҗәдә командалар арасында беренчелектә Биклән урта мәктәбе укучылары калды. II урынга Кнәз мәктәбе укучылары чыкты, III урын Новотроицкое авылы яшүсмерләренә бирелде.