Җиңел атлетика

Яр Чаллы шәһәренең «Яр Чаллы» балалар һәм яшүсмерләр спорт мәктәбендә җиңел атлетика буенча район беренчелеге булып үтте. Анда 2001 елгы һәм аннан да яшьрәк булган малайлар-кызлар катнашты. Ярышларда барысы бергә районнан килгән 17 мәктәп командасы, шул исәптән 140тан артык яшүсмер көч сынашты. Ядрә ыргыту буенча беренчелеккә Диана Хамедова (Мусабай-Завод), Данил Кыямов (Мус.-Завод) чыктылар. Озынлыкка сикерүдә Милена Хәкимовага һәм Данир Нуртдиновка (яшүсмерләр Мусабай-Заводтан) тиңнәр булмады. 50 метрга йөгерүдә беренчелекне шулай ук Мусабай-Заводтан Диана Хамедова белән Тимур Фәрхетдинов яуладылар. 300 метрга йөгерүдә исә бикләнлеләр Элиза Куватова белән Ринас Нуриевлар сынатмады. Нәтиҗәдә беренчелеккә Мусабай-Завод мәктәбе укучылары чыкты. Икенче һәм өченче урыннарны Яңа поселогы белән Бәтке мәктәпләре укучылары бүлеште.