«Аҗаган» уйнадылар

Сосновый Бор поселогының «Яшьлек» спорт комплексында «Аҗаган» хәрби-спорт уеннарының финал этабы үтте. Анда Кнәз, Теләнче Тамак, Калмия һәм Яңа поселогы мәктәпләреннән укучылар көч сынашты.

Хәрби-спорт уеннары вакытында мәктәп укучылары төрле бәйгеләрдә сынаулар үттеләр. Яшүсмерләр сафта да йөрделәр, хәрби җырлар да башкардылар, АК-74 автоматын сүтеп-җыйдылар, озынлыкка сикерделәр, противогазлар киеп йөгерделәр, пневматик винтовкадан аттылар. Моннан тыш, интеллектуаль конкурста та катнаштылар, Россия тарихына бәйле булган сорауларга җаваплар эзләделәр. Нәтиҗәдә исә беренчелекне Кнәз мәктәбе укучылары (җитәкчеләре - Виктор Белов) яулады. Яңа поселогы (җитәкчеләре - Павел Федотов) - II, Калмия мәктәбе укучылары (җитәкчеләре - Марат Вәлиев) III урынга чыкты.