Авыл хуҗалыгы рубрикасы буенча яңалыклар

• 02 июль 2021

  Гадәттән тыш хәл режимы кертелде

  Татарстан Республикасының 38 муниципаль районында, шул исәптән Тукай районында да, аномаль һава температурасы белән бәйле рәвештә гадәттән тыш хәл режимы кертелде. 

  
• 01 июль 2021

  Безнекеләр беренче!

  «Бу бозау йомшак уенчыкмы әллә?» Рәсемгә карауга шундый уй килә башка. Бу – тере бозау. Малкай С.Сәйдәшев исемендәге авыл хуҗалыгы предприятиесендә асрала торган голштино-фриз токымлы өч айлык тана бозау. Аның янәшәсендә – С.Сәйдәшев исемендәге хуҗалыкта сыер фермасында практика узучы кыз Адилә Солтанова.

  
• 30 июнь 2021

  Яфраказык җыю бу атнада төгәлләнә

  Районда терлекләргә сусыл яфраказык әзерләү дәвам итә.

  
• 26 июнь 2021

  Корбанга чалынасы мал сәламәт булсын 

  Бөтен дөнья мөселманнарының төп бәйрәмнәреннән берсе – Корбан гаете якынлаша. Ул быел 20 июльгә туры килә. Ибраһим пәйгамбәрдән килгән гадәт буенча, бу бәйрәм көнне мөселманнар корбан чала. 

• 25 июнь 2021

  Риф Зиалтдинов: «Балдан яхшы уңыш көтәбез» 

  Узган ел республиканың берничә районында рапс үстерелә торган басу-кырларны пестицидлар белән агулау сәбәпле берничә районда бал кортлары күпләп үлде. Бу күңелсезлек безнең җирлекне дә читләтеп үтмәде. Нечкәбилләр яратып нектар җыя торган басу-кырларны пестицидлар белән эшкәртү алдыннан умартачыларны кисәтергә, басуларны төнлә эшкәртергә тиешлекләре хакында район хакимиятендә уздырылган киңәшмәдә барлык таләпләр дә җентекләп аңлатылды. Авыл хуҗалыгы тармагында хезмәт куючылар белән умартачылар үзара килешеп эшләгәндә генә эш нәтиҗәле булыр  –  бал кортлары үсемлек-чәчәкләрдән нектар җыеп шифалы бал белән сөендерер. 

  
• 23 июнь 2021

  Яфраказык әзерлибез

  Район авыл хуҗалыгы предприятиеләрендә яфраказык әзерләүгә керештеләр. Аларга район оешмалары хезмәткәрләре, хакимияттә эшләүчеләр булыша.

  
• 23 июнь 2021

  Иген басулары ни хәлдә?

  Район хуҗалыклары терлек азыгы әзерләргә керешер алдыннан уздырылган семинарда «Россельхозцентр» федераль дәүләт учреждениесенең Тукай районара филиалы җитәкчесе Назыйм Сәләхетдинов җитәкчеләрне: «Сабан туе алдыннан яңгыр яумый калган ел юк», – дип өметләндергән иде. Күп еллык күзәтүләреннән чыгып фаразлавы иде инде аның. Чынлап та, яңгырлар бөтенләй булмады түгел бит. Мондый шартларда игеннәр ни хәлдә соң? Күбебезне борчып торучы әлеге сорауга Назыйм Минневәлиевич хуҗалык җитәкчеләре киңәшмәсендә җавап бирде.

  
• 17 июнь 2021

  Сыерларны конкурска әзерлиләр

  Татарстанның иң яхшы хуҗалыкларының терлекчеләре «АГРОВОЛГА» халыкара агросәнәгать күргәзмәсенә әзерләнәләр. Күргәзмә кысаларында беренче тапкыр нәселле терлекләр конкурсы узачак, анда халыкара дәрәҗәдә аккредитацияләнгән судьялар голштин-фриз токымлы иң яхшы сыерларны билгеләячәкләр.

  
• 15 июнь 2021

  Нәселле терлекләр кайтарыла

  Соңгы ярты елда «Сәйдәшев исемендәге авыл хуҗалыгы предприятиесе» ҖЧҖ һәм «Ирек» җитештерү кооперативы сөт җитештерүдә алдынгылыкны тота.

  
• 10 июнь 2021

  Уңыш өчен көрәш

  Тукай районы басуларында уңыш өчен көрәш дәвам итә. Авыл хуҗалыгы һәм азык-төлек идарәсе җиткергән мәгълүматларга караганда, июньнең беренче декадасына корткычларга каршы барлыгы 49,3 мең гектар,  авыруларга каршы 41,6 мең гектар, чүп үләннәренә каршы 53,8 мең гектар җир эшкәртелгән. Уҗымнарны яфрактан тукландыру эшләре 35,1 мең гектарда башкарылган. 

  
• 08 июнь 2021

  Игеннәр торышы әлегә начар түгел

  Дүшәмбе көнне район башлыгы Фаил Камаев һәм район авыл хуҗалыгы оешмалары җитәкчеләре, фермерлар игеннәрнең торышын карадылар. Комиссия Круглое Поле поселогы ягыннан юл алып, Калмия җирлегенә кадәр барлык басуларда булды, бөтенесе 426 километр юл үтте.

  
• 07 июнь 2021

  Тукай районында - Чехия сөтбикәләре! 

  Шушы көннәрдә районның "Гигант" авыл хуҗалыгы оешмасының терлекчелек комплексына Чехиядән 64 баш нәселле тана кайтты. 

  
• 04 июнь 2021

  Кайда күпме сөт савалар?

  Авыл хуҗалыгы һәм азык-төлек идарәсе мәгълүматларына караганда, 3 июньгә район буенча тәүлеклек тулаем савым 97,2 тонна тәшкил итә. Бу узган елгыдан 9,2 тоннага артык. Һәр көнне фермалардан – 92,7 тонна,  шәхси ярдәмче хуҗалыклардан 14,5 тонна сөт заводларга озатыла.

  
• 04 июнь 2021

  Терлек азыгы әзерли башладык

  Район хуҗалыкларында берьеллык, күпьеллык үләннәрнең беренче катын чаба – мал азыгы әзерли башладылар. Бу эшкә беренчеләрдән булып «Миңнехуҗина» крестьян-фермер хуҗалыгы хезмәтчәннәре кереште. Пәнҗешәмбе көнне «Парадиз» ҖЧҖ, Сәйдәшев исемендәге, «Гигант», «Ярыш» хуҗалыклары да басуларда үләннәрне чаба башладылар. 

  
• 02 июнь 2021

  Татарстанда заманча яңа сугару системасы эшли башлады

  1 июльдән 3 июльгә кадәр Татарстанда Татарстан Республикасы Авыл хуҗалыгы һәм азык-төлек министрлыгы тарафыннан кыр форматында оештырылган иң зур «АГРОВОЛГА-2021» күргәзмәсе узачак. Бу ачык һавада агросәнәгать күргәзмәсен һәм «Казан Экспо» мәйданчыкларында узачак эшлекле форумны  үз эченә алган комплекслы чарадан гыйбарәт булачак, биредә авыл хуҗалыгының заманча казанышлары һәм яңа технологияләре күрсәтеләчәк.