Кайда күпме сөт савалар

admin, 24 март 2021 - 11:15

619

Авыл хуҗалыгы һәм азык-төлек идарәсе мәгълүматларына караганда, бүген район буенча көнлек тулаем савым 91,3 тонна тәшкил итә, бу узган елгыдан 6,3 тоннага артык. Хәзерге көндә бер сыердан уртача 17,3 кг сөт савып алына.

Сөт җитештерүдә лидерлыкны «Сәйдәшев исемендәге авыл хуҗалыгы предприятиесе» белән «Ирек» җитештерү кооперативы тота: аларда тәүлеклек савым 5250 һәм 3446 килограммга артты. Алдынгылар рәтенә «Вилданов» крестьян-фермер хуҗалыгы да керә, биредә тәүлеклек савым узган елгыдан 715 килограммга күбрәк. «Ярыш»та сөт күләме кимүне сыерларның баш саны кимү белән аңлаталар. Ә менә «Р-Агро», «Парадиз» һәм «Вятские Зори» әлегә район күрсәткечләрен киметүчеләр булып торалар.