Ашламасыз җиргә орлык ташлама...

admin, 5 март 2021 - 12:20

574

Язгы кыр эшләрен үтәп чыгу өчен район буенча барлыгы 4148 тонна минераль ашлама тупланган. Бу, уҗым культураларына кертелгәнне дә исәпләп, бер гектарга тәэсир итүче матдә 52,7 килограмм дигән сүз.

Ашлама әзерләү буенча исемлектә алда баручылар: «Кама-Бекон» ҖЧҖ, «Кама» агрофирмасы, «Тукай азык-төлек корпорациясе», «Сәйдәшев исемендәге авыл хуҗалыгы предприятиесе» ҖЧҖ, «Гигант» ҖЧҖ. Быел, субсидия алу өчен, ТР авыл хуҗалыгы һәм азык-төлек министрлыгы сөрүлек җирләрне бер гектарга тәэсир итүче матдәне 40 килограммга җиткереп ашлауны шарт итеп билгели. Узган ел район буенча бу күрсәткеч 95 килограмм булса, быел аны 70 килограммнан да киметмәү бурыч итеп куела.