Техниканы язга әзерлибез

admin, 11 февраль 2021 - 09:55

786

Быел язгы чәчү кампаниясендә район басуларына 198 трактор, 191 чәчкеч, 182 культиватор, 40 берәмлек чәчү комплексы чыгар дип планлаштырыла. Техниканы әзерләү мәсьәләсе җитәкчелек тарафыннан контрольдә тотыла.

Барлык техниканың 65 проценты амортизация срокларын үткән инде, шуңа күрә техниканы яңартуга аеруча басым ясала. Узган ел район хуҗалыклары 32 трактор, 7 культиватор, 7 чәчкеч һәм 6 чәчү комплексы сатып алган. Техниканы төзекләндерүгә килгәндә, тракторлар һәм чәчү машиналары 1 апрельгә ремонтланып бетәргә тиеш. 5 февральгә алынган мәгълүматларга караганда, район буенча тракторларның – 68, чәчкечләрнең – 85, чәчү комплексларының – 65, культиваторларның 88 проценты ремонтланган инде. Үзйөрешле техникага килсәк, әлегә 18 трактор ремонтланмаган. Тагын өч чәчү комплексы шулай ук төзекләндерүне көтә.