Сканвордларда «Мин «Якты юл»га язылам» дигән сүзләр иде

Район газетасы битләрендә өч атна дәвамында сканвордлар биреп килдек. Шартын да билгеләгән идек. Редакциягә дөрес җавабын тапкан 100гә якын кеше шалтыратты. Чыннан да, өч санда чыккан сканвордта «Мин «Якты юл»га язылам» дигән сүзләр яшеренгән иде. Иң беренчеләрдән булып җавапны Сәмәкәй авылының «Зиләйлүк» балалар бакчасы хезмәткәрләре җиткерде. Димәк, җиңүче бүләге - торт белән нәниләр сыйланачак. Озак кына киңәшләшкәннән соң, редакциянең татлы бүләкләрен тагын берничә кешегә бирергә булдык. Андый бәхетлеләр рәтендә башлангыч сыйныф укучылары да, өлкән яшьтәге райондашларыбыз да бар. Җиңүчеләрне бүләкләү тантанасына җомга көнне сәгать 10.00да редакциядә көтеп калабыз.