Игътибар: бәйге нәтиҗәләренә йомгак ясала!

Кадерле газета укучыларыбыз! Яшь гаиләләр арасында баручы «Иң яхшы хуҗалык» дип исемләнгән конкурста безнең редакция дә үз махсус номинациясен игълан иткән иде - «Без бәхетле, укый торган, яшь гаилә» дип аталды ул. Моның өчен «Вконтакте» социаль челтәрдәге «Якты юл» газетасы группасында (http://vk.com/club54482574) актив тавыш бирүләр барды. 6 сентябрь, шимбә көнне, район хакимиятенең утырышлар залында «Иң яхшы хуҗалык» бәйгесенә йомгак ясалачак. «Якты юл» газетасы да җиңүче гаиләгә үз бүләген тапшырачак. Бәйгенең иганәчесе - «Чаллы яшелчәсе» җәмгыяте. Бу турыда газетабызның киләсе санында укый алачаксыз.