Россия көне белән!

Россия көне – без яши һәм эшли, укый һәм балалар тәрбияли торган бөек Ватаныбыз бәйрәме. Россия Федерациясе күпмилләтле, талантлы, хезмәт сөючән, ватанпәрвәр халкы белән көчле. 
Татарстан Республикасы Россия Федерациясе халыкларының бердәм гаиләсендә ныклы рәвештә үсеш юлыннан бара. Безнең казанышлар – рухи бергәлек хисләре һәм Ватан язмышы өчен тарихи җаваплылык тою, аны тагын да заманчарак һәм куәтлерәк итәргә омтылу хисе белән берләшкән миллионлаган татарстанлының фидакарь һәм тырыш хезмәтләре нәтиҗәсе.
Кадерле райондашлар! Барыгызга да тыныч тормыш, ныклы сәламәтлек, озын гомер, бәхетле киләчәк телим. Һәр яңа көн сезнең өчен игелекле һәм шатлыклы булсын, киләсе көнгә ышанычны ныгытсын. 
Муниципаль район башлыгы Фаил Камаев.