Якты юл

Тукай районы

18+
Рус Тат
2024 - Гаилә елы
Көн үзәгендә

Офицер булачакбыз, диләр районыбыз кадетлары

Бер, ике, өч... Бер, ике, өч... Урында кал! Бер, ике, өч! Язмамны шулай маршировкадан башлап җибәрүем юкка түгел, әлбәттә! Бүгенге сүзем Яңа поселогы мәктәбендә инде алтынчы ел рәттән эшләп килүче кадетлар сыйныфы турында булачак.

Әлеге төркемдә 18 егет. Алар төрле-төрле сыйныфлардан: 5тән алып 7нче сыйныфларда укучылар. Кадетлар классын запастагы өлкән лейтенант, тормыш иминлеге нигезләре фәне укытучысы Павел Федотов җитәкли. Егетләр аның кулы астында төрледән-төрле күнегүләр белән шөгыльләнәләр.

Егетләрнең төп дәресләре тәмамланганнан соң, алар барысы да Павел Алексеевич янында җыелалар. - Без монда хәрби, гаскәри әзерлек үтәбез. Мин аларны урында ничек итеп дөрес ориентлашырга өйрәтәм. Балалар барысын да теләп башкаралар. Моннан тыш хәрби уставны ятлыйбыз. Егетләргә аеруча ошаганы - ул винтовка, мылтык, гранаталарның төзелешен өйрәнү. Мин аларга автоматны тиз арада ничек җыеп-сүтәргә була, шуларга өйрәтәм. Алар моны да бик теләп, кызыксынып башкаралар, - дип сөйли Павел Федотов. Ә автоматны кем иң тиз сүтеп-җыючы Равил Зарипов икән. VII сыйныфта укучы бу үсмер егет автоматны 22 секунд эчендә сүтеп-җыя. Үзенә күрә рекорд инде бу!

Шуны да әйтеп китү мөһим: мин поселокка килгәч, кадетлар мәктәптә түгел иделәр. Баксаң, алар Әфган җирендә батырларча һәлак булган сугышчы-интернационалистлар - Яңа поселогы мәктәбендә укыган Рәис Гайнуллин һәм Айрат Сабиров һәйкәлләре янына чәчәкләр куярга киткән булганнар. Якташларын шулай зурлап, хөрмәтләп торулары хәрби-патриотик тәрбиянең дөрес куелышына дәлил бит.

Реклама

Укытучылары Павел Алексеевич егетләрне барабан сугарга да өйрәтә. Остазлары белән берлектә кадетлар яз-көз айларында, хәрби солдатлар кебек - марш-бросоклар, ә җәй айларында исә кадетлар өчен оештырылган махсус лагерьларда күнегүләр үтәләр.

Бер бәйрәм дә кадетларның катнашыннан башка үтми. Алар хәрби киемнән сафка тезелеп, барабаннар кагып узганда һәркем сокланып карап кала. Егетләр исә үзләре кадет сыйныфына бик теләп йөриләр. Армиядән бер дә курыкмыйлар, киләчәктә хәрби булырга исәпләре. Кечкенә яшьтән үк әлеге балалар чын ир-егетләрчә кыю, тәвәккәл булырга өйрәнәләр. Ә мондый яшьләребез булганда - барысы да өметле дигән сүз.

Следите за самым важным и интересным в Telegram-каналеТатмедиа

"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз

https://podpiska.pochta.ru/press/%D0%9F9499

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: образование мђгариф профессиональное самоопределение џљнђри ђзерлек

2
X