Хәтер көне

Әфган җиреннән Совет гаскәрләрен чыгаруга багышланган район чарасы Яр Чаллы шәһәре орган залында узды. Әфган сугышы ветераннары, аларның гаиләләрен Яр Чаллы шәһәре Комсомол һәм Тукай районнары буенча хәрби комиссар Рәис Юнысов тәбрикләде. Бу сугышта һәм башка кайнар нокталарда башын салган якташ егетләрнең исемнәре аталды, аларны бер минут тынлык белән искә алдылар. Хәтер көненә җыелучылар орган музыкасын тыңлады, классик һәм заманча музыкаль әсәрләрдән төзелгән концерт карады.