Якты юл
  • Рус Тат
  • Җинаятьләр саны арта

    Җинаятьчелекне булдырмау буенча хокук органнарының яртыеллык эшчәнлегенә йомгак ясалды. Һәр юнәлештә башкарылган эшләр җентекләп анализланды, чаралар билгеләнде. Соңгы берничә елга беренче тапкыр район биләмәсендә җинаятьчелекнең артуы күзәтелә. Җинаятьләрне ачу да 74тән 84 процентка кадәр үскән.

    Саннар теле белән әйтсәк, узган елның 6 аенда 235 җинаять очрагы теркәлгән, ә бу елның шул ук чорында ул 278гә җиткән. Былтыр 6 айда кылынган җинаятьләрнең 177се ачылган булса, быел шул ук чорда ул сан - 235.

    Анализларга караганда, авыр һәм бик авыр җинаятьләр кимесә дә, элек хөкем ителгән кешеләрнең кабат хокук бозулары, исерек килеш кылынган җинаятьләрнең чагыштырмача саны югары. Аянычлысы - балигъ булмаганнар арасында җинаятьчелекнең артуы. Узган елның 6 аенда 1 очрак булса, быел ул 5кә җиткән.

    Наркотикларның законсыз әйләнеше белән бәйле җинаятьләрне ачу дәрәҗәсе түбән. Бу хокук саклау органнарының, беренче чиратта, полициянең эшләп җиткермәү нәтиҗәсе. Әлеге мәсьәлә район прокуратурасында уздырылган махсус ведомоствоара киңәшмәдә тикшерелде. Эчке эшләр министрлыгының район бүлеге хезмәткәрләреннән әлеге юнәлештә эшләүне активлаштыру таләп ителде.

    Теркәлгән җинаятьләр арасында ришвәтчелек юнәлешендәге 4 җинаять эше дә бар. Шуларның берсе - җиңел автомобиль иясе, беркетмә төзетмәс өчен, ЮХИДИ хезмәткәренә ришвәт бирергә омтылуда гаепләнә. Өчесе бер авыл җирлегенең элеккеге хезмәткәрләре. Алар, эшләгән вакытларында җир кишәрлекләре бүлеп биргәндә, хезмәт вазыйфаларыннан файдаланып, җинаять кылганнар. Бүгенге көнгә бу җинаять эшләренең берсе судта каралган. Суд карары нәтиҗәсендә авыл җирлеге җитәкчесенең элеккеге урынбасары җир кишәрлеге биргәндә вазифаи җинаять кылган өчен шартлы рәвештә ирегеннән мәхрүм ителгән. Шулай ук моннан соң аңа муниципаль һәм дәүләт хезмәтендә эшләү тыелган.

    Җинаятьләрнең һәм административ хокук бозуларның төрләре

    6 ай 2012

    6 ай 2013

    Теркәлгән җинаятьләр саны

    235

    278

    Ачылган җинаятьләр

    177

    235

    Теркәлгән авыр һәм аеруча авыр җинаятьләр

    76

    74

    Ачылган авыр һәм аеруча авыр җинаятьләр

    32

    63

    Элек хөкем ителгәннәр тарафыннан кылынган җинаятьләр

    60

    92

    Исерек хәлдә кылынган җинаятьләр

    12

    40

    Җәмәгать урыннарында кылынган җинаятьләр

    22

    19

    Балигъ булмаганнар тарафыннан кылынган җинаятьләр

    1

    5

    Шул исәптән теркәлгән:

    Үтерүчеләр (ачылганнары)

    4 (2)

    2 (2)

    Кеше сәламәтлегенә аеруча авыр зыян салулар (ачылганнары)

    5 (4)

    7 (7)

    Көчләүләр һәм башка җенси җинаятьләр

    (ачылганнары)

    -

    2 (2)

    Урлаулар (ачылганнары)

    95 (41)

    67 (45)

    Талаулар (ачылганнары)

    2 (1)

    2 (2)

    Талау максаты белән һөҗүм итү

    (ачылганнары)

    2 (2)

    -

    Мошенниклык юлы белән талау

    (ачылганнары)

    7 (5)

    17 (15)

    Янау юлы белән талау (ачылганнары)

    -

    1 (1)

    Транспорт урлау очраклары (ачылганнары)

    8

    7 (7)

    Чит милекне яндыру

    2 (1)

    1 (1)

    Корал һәм хәрби кирәк-яракларның законсыз әйләнеше (ачылганнары)

    7 (5)

    9 (5)

    Наркотикларның законсыз әйләнеше

    (ачылганнары)

    17 (10)

    6 (3)

    Авыр нәтиҗәләргә китергән юл йөрү кагыйдәләрен бозулар (ачылганнары)

    13 (10)

    8 (8)

    Ришвәт белән бәйле җинаятьләр

    10

    53

    Нравится
    Поделиться:
    Реклама
    Комментарии (0)
    Осталось символов: