Табигатьтән рациональ файдалану фонды мәгълүматларына караганда, узган ел республикада 185 тонна иске электроника утилизациягә тапшырылган. Программада 32 районнан 314 оешма катнашкан, ә 2022 елдан бирле җыелган техника күләме 551 тоннага якын.
Табигатьтән рациональ файдалану фонды «Утилизация мәктәбе: электроника» программасының нәтиҗәләрен чыгарды. Узган ел республика халкы һәм оешмалар тарафыннан 185 тонна иске техника җыеп тапшырылды. Бу чарада 32 районнан 314 оешма катнашты.
Программа 2022 елдан башлап эшли – дүрт ел эчендә 551 тоннага якын техника җыелган. Катнашу өчен рәсми сайтка керергә мөмкин: eko-fond.ru/electronics.
Утилизациягә нәрсәләр кабул ителә соң?
- Компьютерлар;
- өй техникасы;
- электр инструментлары;
- медицина һәм фәнни техника;
- телефоннар;
- электрон уенчыклар;
- картриджлар;
Программа Татарстанның Экология министрлыгы белән Табигатьтән рациональ файдалану фонды арасында төзелгән килешү кысаларында үтәлә һәм «Экологик иминлек» милли проекты максатларын тормышка ашыра.
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев