Апрельдә балаларга түләүләр иртәрәк күчереләчәк
Май бәйрәмнәре гадәти түләүләр графигына үзгәрешләр кертте. Гаиләләргә ярдәм вакытында килеп җитсен өчен, Россия Социаль фонды акчаны иртәрәк күчерәчәк. 29 һәм 30 апрельдә акчалар ияләренә барып җитәчәк. Бу гадәттә айның 3 нче көненә кадәр килә торган барлык пособие түләүләренә кагыла. Бу хакта «Российская газета» хәбәр итә.
Бу түләүләр банк карталары яки счет аша акча алучыларга кагылачак. Бу категориягә кемнәр керә соң?
- бердәм пособие алучылар (балалар өчен алына торган пособие алучыларга һәм йөкле хатынкызларга кагыла);
- баланы 1,5 яшькә кадәр караган өчен пособие алучылар (эшләмәгән атааналарга);
- хәрби хезмәттәгеләрнең балаларына бирелә торган түләүләрне алучылар.
Кайбер очракларда график үзгәрмәячәк. Почта аша түләү алучылар май аенда (3нән 25енә кадәр) үз региональ график буенча акча алачак. Ана капиталы буенча 3 яшькә кадәрге балаларга бирелә торган акчалар үз вакытында — 5 майда күчәчәк.
Игътибар итегез: бу график бары тик федераль ярдәм чараларына карый. Җирле пособие түләүләрен региональ социаль яклау бүлекләре контрольдә тота, аларның календаре федераль графиктан аерылып торырга мөмкин. Региональ өстәмә түләүләр буенча сорауларны турыдан-туры җирле социаль яклау органнарына юлларга кирәк.
Н.Туганов фотасы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев