Хакимияттә һәм прокуратурада халыкны кабул итәләр

14 декабрьдә 12.00-20.00 сәгатьләрдә дәүләт хакимияте һәм җирле үзидарә органнарында бөтенроссия гражданнарны кабул итү көне үтә. Тукай районы хакимиятендә бу чара 116нчы кабинетта уздырыла (Муса Җәлил проспекты, 46нчы йорт). Алдан язылу 8 (8552) 70-37-82 телефоны аша башкарыла. Кабул итүгә паспорт белән, чират буенча керергә кирәк.

Шушы ук вакытта, 12.00-20.00 сәгатьләрдә, район прокуратурасында да халыкны кабул итү оештырыла. Адресы: Яр Чаллы шәһәре, Муса Җәлил проспекты, 52нче йорт (ГЭС бистәсе, 8/4 йорты). Тел.: 8 (8552) 71-31-33.