«Чын күңелдән» акциясе

26 февральдә бердәм командасы, Теләнче-Тамак картлар һәм инвалидлар йортында яшәүчеләргә шатлык һәм игътибар бүләк иттеләр. Алар бәйрәм концерты әзерләделәр. Җырлар, биюләр белән үрелеп барган очрашу шатлык белән тулы иде. Мәдәни чаралардан тыш, интернатта яшәүчеләрнең тормышын бераз уңайлырак һәм күңеллерәк итү өчен үзләре белән бик күп кирәкле әйберләр алып килгәннәр.

Ир-атларны «23 февраль-Ватанны саклаучылар көн», шулай ук сөйкемле ханымнарны якынлашып килүче «8 Март» бәйрәме белән котлауга аерым игътибар бирелде.

Акцияне хуплаган һәм кирәкле товарлар, хуҗалык кирәк-яраклары җыюда ярдәм иткән һәркемгә тирән рәхмәтебезне белдерәбез. Сезнең ярдәм белән бердәм команда бу көнне интернатта яшәүче һәр кеше өчен үзенчәлекле һәм онытылмаслык итә алды.