Мәгариф рубрикасы буенча яңалыклар
-
Депутат дәрес бирде
Новотроицкое мәктәбендә «Традицияләрне саклап, киләчәкне төзибез» дигән ачык парламент дәресе узды. Ул ТАССРның 100 еллыгын һм Бөек Җиңүнең 75 еллыгын билгеләп үтү кысаларында оештырылган иде. Ирекле аралашу форматындагы дәресне ТР Дәүләт Советы депутаты Николай Нефедов үткәрде.
-
Иң яхшы укытучылар
Район педагоглары «Ел укытучысы-2020» һәм «Иң яхшы татар теле укытучысы» бәйгесенең зона турында катнаштылар. Чара Яр Чаллыда узды.
-
Син инглизчә беләсеңме?
Татарстанда 2022 елга кадәр полилингваль белем бирү комплекслары челтәрен булдыру проекты тормышка ашырыла. Әлеге проект РФ Президенты Владимир Путин тарафыннан да хуплау тапты. Ул балаларга татар, рус hәм инглиз телләрендә белем бирүне күздә тота. Укыту комплексына балалар бакчалары, мәктәп, өстәмә белем бирү учреждениеләре дә керә. Күптелле укытуны оештыру мәсьәләсе турында август киңәшмәсендә Тукай районы башлыгы Фаил Камаев та аерым басым ясады. Ул балаларга бакча яшеннән үк полилингваль укытуны, аерым алганда, дөньякүләм тел – инглиз теленә өйрәтүне югары дәрәҗәдә күтәрү бурычын куйды. Бу юнәлештә Теләнче Тамак авылының «Акчәчәк», Боерганның «Кызыл калфак», Сосновый Бор поселогының «Солнышко», Новотроицкоеның «Ромашка» балалар бакчаларында телләр өйрәтү буенча укыту программалары эшли башлады.
-
Татарча яздык
19 октябрь көнне дөньякүләм «Татарча диктант» акциясе үтте. Татарстан Республикасы, Россия һәм чит илләрдә яшәүче милләттәшләребезне берләштерә торган проектта 1023 тукайлы катнашты.
-
Исәнме, мәктәп!
Җәйне озаттык, көзгә атлап кердек... Шулай итеп яңа уку елын да башлап җибәрдек. Быел 1 сентябрь ял көненә туры килде. Шул сәбәпле район мәктәпләрендә Белем көненә багышлаган тантаналы линейкалар 2се көнне уздырылды.
-
Балаларны мәктәпкә әзерләү ничә сумга төште?
Август – балаларны мәктәпкә әзерләү вакыты. Форма, эш дәфтәрләре, аяк киеме, канцтоварлар, рюкзак алу... Бу чорда мәктәпкә әзерләнү мәшәкатьләре ата-аналарның баш бәласенә әйләнә.
-
Фаил Камаев: «Нигә әле инглиз телен балалар бакчасыннан ук укытмаска?»
Мәгариф хезмәткәрләренең август киңәшмәсендә район башлыгы Фаил Камаев педагоглар коллективы алдына шактый саллы бурычлар куйды. Алар арасында иң мөһимнәре дип ул балаларга хезмәт тәрбиясе бирүне һәм бакча яшеннән үк полилингваль укытуны, аерым алганда, дөньякүләм тел – инглиз теленә өйрәтүне атады. Бу – алдагы елларда тормышка ашырырга тиешле проектлар, диде ул.
-
Арсений – бөтенроссия конкурсы җиңүчесе
Шилнәбаш инглиз телен тирәнтен өйрәнү мәктәбе укучысы Арсений Исаев быел апрель аенда үз проекты белән Санкт-Петербург шәһәрендә үткән «Әгәр мин Президент булсам» дигән бөтенроссия конкурсында катнашкан иде. Бәйге ул вакытта мәктәп укучылары белән беррәттән колледжлар һәм югары уку йортлары студентларын да җыйды.
-
Ак юллар сезгә, егет-кызлар!
Районда мәктәпне тәмамлаучы укучыларның чыгарылыш кичәсе гөрләп узды. Быел 105 бала унберенче сыйныфны тәмамлады.
-
Җәйге лагерь: файдалы һәм кызыклы
Җәй – ул үзе бер тормыш. Баласының бу тормышын истә калырлык, кызыклы һәм матур, вакыйгаларга бай итеп үткәрү ата-анадан тора. Җәй ул балаларны тәрбияләү, аларны төрле чараларга җәлеп итү өчен менә дигән вакыт. Бу – уку елы дәвамында арыганнарны бетерү, яңа көч туплау, сәламәтлекне ныгыту, балаларның иркенләп бер-берсе белән аралаша торган чоры.
-
Яшелчә һәм җиләк-җимешне үзебез үстерәбез
Бүгенге көндә районның барлык мәктәпләрендә мәктәп яны участоклары эшли. Балалар анда төрле яшелчә һәм җиләк-жимешләр үстерәләр – кышын үзләренә ашханәдә тукланырга ризык әзерлиләр. Мәктәп яны участокларында эш тәртибе ничек оештырылган соң? Бу турыда участок җитәкчеләре үзләре сөйли.
-
Соңгы кыңгырау чыңлады
25 май көнне барлык чыгарылыш сыйныф укучылары өчен соңгы кыңгырау чыңы яңгырады. Быел мәктәп тәмамлаучыларның иң күбе Бәтке авылында. Биредә 21 бала 11нче сыйныфны, 35 бала 9нчы сыйныфны тәмамлый. Укучылар киләчәктә кем булырга тели соң? Булачак hөнәрләре турында алар үзләре сөйли.
-
БДИ: ничек җиңеп чыгарга?
Тугызынчы һәм унберенче сыйныф укучылары өчен иң җаваплы вакыт – дәүләт имтиханнары чоры җитте. Быел тугызынчыны тәмамлаучы 305 бала һәм унберенчене тәмамлаучы 106 бала имтиханнар тапшырачак. Төп дәүләт имтиханнарыннан иң популяр предметлар – ИКТ, география һәм җәмгыять белеме. Бердәм дәүләт имтиханнарыннан сайлап алына торган иң популяр фәннәр – профильле математика, җәмгыять белеме һәм биология. Имтихан вакытында дулкынлануны ничек җиңәргә? Район мәгариф идарәсе педагог-психологы Эльвира Саматова үз киңәшләрен бирә.
-
Әгәр мин президент булсам...
Ел саен Россия Федерация Советы мәктәп укучылары арасында «Әгәр мин президент булсам...» дип аталган бөтенроссия бәйгесе уздыра. Әлеге конкурска Тукай районы балалары үз тәкъдимнәрен язып җибәрә. Узган елгы бәйгедә Мусабай Завод мәктәбе укучысы Миләүшә Хәкимова җиңү яулаган иде, быел мондый уңыш Комсомолец мәктәбе укучысы Луиза Кузнецовага елмайды.
-
«Кырлай» әдәби чәйханәсендә
Теләнче Тамак авылы китапханәсендә үзенчәлекле әдәби чара узды. Биредә бөек шагыйребез Габдулла Тукай иҗатын сөючеләр «Кырлай» әдәби чәйханә»сендә кунакта булдылар.