Татарстанның Менделеевск районында М7 федераль трассасында ике автомобиль катнашында җитди юл-транспорт һәлакәте теркәлгән. Бәрелеш нәтиҗәсендә 71 яшьлек хатын-кыз һәлак булган, ә машина йөртүче авыр җәрәхәтләр белән хастаханәгә озатылган. Прокуратура тарафыннан тикшерү башланган.
.png)
Татарстанның Менделеевск районында М7 трассасында иртән үлем белән тәмамланган юл-транспорт һәлакәте булган. Бу хакта республика прокуратурасының матбугат хезмәте хәбәр итте.
Башлангыч мәгълүматларга караганда, Renault Symbol автомобиле йөртүчесе каршы як полосага чыккан һәм анда Mazda маркалы минивэн белән бәрелешкән.
.png)
Юл-транспорт һәлакәте нәтиҗәсендә Renault автомобилендәге 71 яшьлек пассажир хатын-кыз вакыйга урынында ук һәлак булган. Ә 75 яшьлек машина йөртүче авыр җәрәхәтләр белән медицина учреждениесенә озатылган.
Фаҗиганең барлык шартларын ачыклау өчен вакыйга урынына Менделеевск районы прокуроры Алсу Салахетдинова чыккан. Әлеге факт буенча прокурор тикшерүе оештырылган.
Нет комментариев