Бөгелмәдә яшәүче хатын-кыз Лаеш районы территориясендә кеше үлеменә китергән юл-транспорт һәлакәте буенча җаваплылыкка тартыла.
Тикшерү мәгълүматлары буенча, LADA GRANTA автомобиле белән идарә итүче ханым 50 км/сәгать тизлек белән барасы урынга, тизлеген 90 км/сәгатькә кадәр арттырып, каршы як полосага чыккан.
Һәлакәт нәтиҗәсендә, LADA GRANTA автомобилендәге өлкән яшьтәге пассажир хатын-кыз һәлак була. Каршыга килүче чит ил автомобилендәге пассажир авыр җәрәхәтләр ала.
Казан шәһәре прокуратурасы гаепләү нәтиҗәсен раслады һәм эшне судка җибәрде.
Исегезгә төшерәбез: Юл хәрәкәте кагыйдәләрен төгәл үтәгез! Игътибарсызлык аяныч нәтиҗәгә китерергә мөмкин.
Нет комментариев