Бер көндә эчеп рульгә утырган өч кеше тоткарланды

Юл һәлакәтләрен кисәтү максатыннан ЮХИДИ хезмәткәрләре участок вәкаләтлеләре белән берлектә рейдлар үткәрәләр. Узган атнаның пәнҗешәмбесендә үткән шундый чарада юл йөрү кагыйдәләрен бозучыларга карата 65 административ беркетмә төзелде. Исерек килеш руль артына утырган 3 кеше тоткарланды, дәүләт номерлары укылмаган 14 машина туктатылды, куркынычсызлык каешын такмаган өчен 17 йөртүчегә, нормадан артык каралтылган тәрәзәләр белән йөргән өчен 7 кешегә карата беркетмә төзелде. Узган атнада район территориясендә 1 юл-транспорт һәлакәте теркәлде. Яр Чаллы - Водозабор - Яңа поселогы юлындагы бу авариядә бер кеше тән җәрәхәтләре алды.