Язгы чакырылышта районның кырык егете армиягә алыначак

1 апрельдән республикада язгы чакырылыш башланды. Бу юлы Татарстаннан 4 меңнән артык егет хәрби хезмәткә алыначак. Безнең районнан исә яз көне армиягә 40 егет китәргә тиеш. Беренче озату май бәйрәмнәре үткәч булыр дип планлаштырыла. Егетләр шефлык частьларына - Йошкар-Оладагы стратегик билгеләнештәге ракета гаскәрләренә, Севастопольдәге Кара Диңгез флотына, Мәскәүдәге Кремль һәм Преображенский полкларына һәм башка частьларга җибәреләчәк, дип хәбәр итәләр Яр Чаллының Комсомол һәм Тукай районы буенча хәрби комиссариат бүлегеннән.