Ятимнәр канат астында

admin, 31 гыйнвар 2019 - 10:15

883

Тукай муниципаль районы территориясендә ятим һәм ата-ана тәрбиясеннән мәхрүм калган 101 бала теркәлгән. Шуларның 78е опекун гаиләсендә, 23е тәрбиягә алган гаиләләрдә тәрбияләнә.

Мондый категория балаларның хокукларын һәм законлы мәнфәгатьләрен яклау максатыннан, Тукай муниципаль районының опека һәм попечительлек бүлеге тарафыннан яшәү, белем алу һәм тәрбияләү шартлары буенча даими контроль алып барыла. Шулай ук опекуннар һәм попечительләр тарафыннан вазыйфаларның үтәлеше тикшерелә. Бу хакта сектор мөдире Гүзәл Хәмәтдинова хәбәр итте. Район башлыгы Фаил Камаев мондый гаиләләрне күз уңыннан җибәрмәскә, аларны игътибарсыз калдырмаска, кайгырту һәм ярдәмнән ташламаска өндәде.