Ярминкәләр дәвам итә

Көз дәвамында Яр Чаллыда үткән авыл хуҗалыгы ярминкәләрендә 255 млн сумлык 8,5 тонна продукция сатылды, дип хәбәр итә шәһәр мэриясенең рәсми сайты. Ярминкәләр биш урында - Ш. Усманов урамында, Г. Камал бульварында, Сарман трактында, «Южный» һәм «Заритал» агросәнәгать паркларында һәм күпләп сатучы өч базарда эшләвен дәвам итә. Бәяләргә килгәндә исә, мәсәлән, бәрәңгенең килограммын 7-8 сумга, суганны - шулай ук 7-8 сумга алырга була. Сыер итенең килограммы 200 сумнан, дуңгыз итенең килограммы 160 сумнан башлана.