«Якты юл»га язылуда ташлама ясала һәм абунәчеләр арасында призлар уйнатыла

5 декабрьдән 15енә кадәр барлык почта бүлекләрендә Бөтенроссия матбугатка язылу декадасы үтә. Бу көннәрдә газета-журналга язылучыларга «Татарстан почтасы» - 10, редакцияләр 5-10 процентлы ташлама игълан итә. Әйтик, шушы вакыт аралыгында «Якты юл»га 398 сумга язылып була.

12 декабрь көнне исә әлеге акция кысаларында Яр Чаллы почтамтында махсус чара уза. Ул көнне кайбер редакцияләр, 9.00дан 14.00 сәгатькә кадәр почтамтка килеп, үз басмасына язылучыларга бүләкләрен тапшырачаклар. 5 декабрьдән 12сенә кадәр газета-журналга язылган абунәчеләр, 14.00тән 14.40 сәгатькә кадәр шәхсән үзләре абонемент кәгазен алып килеп, призлар уйнатуда катнашу өчен теркәлә алалар. 15.00 сәгатьтән соң Почтамт бинасында акция барышында теркәлгән барлык абонементлар уйнатыла. Аннары ул көнне почтамтка килгән абунәчеләр арасында аерым призлар да уйнатыла.