Яңа поселогында бәйрәмдә юбилярларны котладылар

Яңа поселогында Татарстан Республикасының туган көне бәйрәме урта мәктәп укучылары чыгышы белән башланып китте һәм матур җырлар белән үрелеп барды.

Бу көнне үзләренең 80 яшьлек юбилейларын бәйрәм итүче хезмәт ветераннары, гомер буе «Гигант» хуҗалыгында машина йөртүче булып эшләгән Рәис Шәймәрдәнов һәм сыер савучы булып тугры хезмәт иткән Полина Черпакованы тәбрик итәргә чакырдык.

Бәйрәмдә республикага багышланган шигырьләр белән беррәттән хезмәт кешесен данлаучы шигъри юллар һәм җырлар, җылы сүзләр яңгырады. Соңыннан балалар өчен уеннар, барлык кунаклар өчен чәй өстәле тәкъдим ителде, дип язалар безгә Яңа поселогыннан.