Якты юл
  • Рус Тат
  • Укытучыбыз исемен бирер идек

    Бүген безнең Түбән Суыксу авылында төзелеп килүче универсаль спорт залына нинди исем кую турында фикер алышу бара. Мин исә әлеге спорт учреждениесен Мулланур Әгъзамов исеме белән атауларын теләр идем.

    Ул күп еллар Түбән Суыксу мәктәбен җитәкләде. Бөек Ватан сугышы һәм хезмәт ветераны, күпләгән хәрби бүләкләр иясе, ТАССРның атказанган укытучысы иде. Кызганычка каршы, инде бу легендар шәхес безнең арабызда юк. 
    Мулланур Әгъзамовичның тормыш иптәше Кифая апа да мәктәбебездә озак еллар тарих фәнен укытты. Без, аларның укучылары, авылдашлары, бу хөрмәтле кешеләребез турында бик яратып, сагынып сөйлибез, алар алдында баш иябез. Укытучыларыбыз безне гаделлеккә, изгелеккә өйрәттеләр. 
    Бөек Җиңүнең 75 еллыгы көннәрендә Мулланур Әгъзәмовның исемен мәңгеләштерү бик изге эш булыр иде. Безнең фикерне тукайлылар хуплар дип ышанам.

    Мирсәиф ХАНОВ.
    Яңа Мусабай авылы.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: