Тлянче Тамак авылы өлкәннәре янына балалар бакчасы сабыйлары килде

Теләнче Тамак авылының картлар һәм инвалидлар интернат-йортында да Ватанны саклаучылар көне җылы мохиттә үтте. Бөтен ир-атларны бәйрәм белән котларга «Акчәчәк» балалар бакчасы нәниләре һәм мәктәп укучылары килгән иде. Балалар һәм яшүсмерләр матур шигырьләр сөйләделәр, үтемле җырлар башкардылар. Бәйрәм ахырында исә үз куллары белән ясап килгән бүләкләрен тапшырдылар, сәламәтлек теләделәр, ил-көннәребезнең тыныч булуына чиксез рәхмәтләрен белдерделәр, дип хәбәр итә картлар һәм инвалидлар интернат-йортының социаль эшләр буенча белгече Альбина Камалова.

Фотолар Альбина Камалова тарафыннан бирелде.